Даведацца пра доўгі і складаны шлях, які прайшла кніга, перш чым трапіць да нас у рукі, у лютым Музей беларускага кнігадрукавання запрасіў вучняў другіх класаў. На музейна-педагагічных занятках «Такія розныя кнігі» школьнікі атрымалі веды па гісторыі стварэння кніг, паразмаўлялі пра разнастайныя матэрыялы, з якіх кнігі выраблялі ў розныя стагоддзі, пазнаёміліся з разнастайнасцю кніжнага свету. Разам з героем Грышкам другакласнікі даведаліся, што сучасная кніга — вынік шматвяковага развіцця. У фінале заняткаў дзяўчынкі і хлопчыкі прагледзелі мультыплікацыйны фільм пра прыгоды Грышкі і кніжкі, з вялікім задавальненнем паўдзельнічалі ў абмеркаванні ўчынкаў галоўнага героя. Юныя наведвальнікі пераканаліся, што кніга — гэта крыніца ведаў і мудрасці, да якога трэба ставіцца беражліва.
